Overblog Suivre ce blog
Administration Créer mon blog
14 juin 2009 7 14 /06 /juin /2009 17:44
سرج يا فارس اللطام

 


سرج يــا فارس اللطـام ------------ للبهجة روح يا خليــــلي
شضف منــــــّا بلا مقام ------------ للزهرة روح عيد رسلي
توصل مرخوفة الحزام ------------ في وهران ساكنة غزالي
لزرق شلواح للجـــــام ------------ يتحومل صيد جاي فالي
قرصان البحر كان عام ------------ اذا سكنه الريـح يجلـي
يدوي مـن لـظة الـقـدام ------------ طبع القومان والمشالي
قبل الا ينـفجـى الظلام ------------ سرى منا وبات سالي
تشرب كيسان من المدام ----------- لغدا تلقى انت رجالي
لخوتـي عــاود السلام ----------- بالقاسم والحبيب وعلي
اذا سالوك بالتــمــــام ------------ مثل البشير و المحلي
سلّم على بن ليمــــام ------------ دحمان مجاوره الهلالي
قول لهم سربة الكرام ------------ راني مغبون يا ابطالي
منها ما طاب لي منام ------------ ساهر ونقسم الليالي

حالي ما نوصفه بحال ------------ وصفي ما نوصفه بصفة
كل ليلة تنزل المحال ------------ محنة تغدى و ذيك تلفى
من وحش صفاوة الهلال ---------- مشتاق خيالـهــا الهيفـــا
الحب يزيدنـــي هبال ------------ العشق و لا عطاش عفة
سلبتنـــي زينة الدلال ------------ الزهرة الحمراء الشفيفة
رمدية دورها كحـال ------------ نعمان على الخدود ضفى
غشوة تضوي كالهلال ----------- ليلة عشرة كمال وفـــى
تاقوا بيناتنا جبــــــــال ----------- كودة و بلادهـــا مخافة
من عقلي صرت كالخال --------- مسروق مودر التـلـيـفـة

رسلت مرسول ذو اليــــــام --------- جاب الحاجة وجاء توالي
من حين ان شفت ذا الغلام --------- فرفر ليه يـــا ملاح عقلي
نابيته ثــم بـــالكـلام ---------- منين انت ترى انسب لي؟
واجبني قال لي : نعم --------- و انا تاصيلـتــي زمالــي
في وهران ساكن الدوام ----------- يامس نمشــي على رسلي
نلقى سربة من الريام ------------ في روضة موجوا قبالي
نعنيهم فرق من الحمام ----------- بين غرف في قصر عالي
فتحت وحدة على اللثام ---------- هجارة خدهـــــــا يلالـــي
مرقت للصحو من الغيام --------- بمـســايــس نبلهـــا يشالي

قالت لله يـــــا شـبـاب ---------- رجـــــى لــــــــي نعيد سري
راني في الحزن و الكراب -------- من الوحش اليوم ضاق موري
مروُا نرضاه راه غـــــاب --------- توحشت انــــا حبيب عمري
هزمتـنـــــي كحلة الهداب --------- وجه المحنة يـبـان واري
قلت لهـــــا خشم العـقـاب --------- نغدى غدوة الصبح بكري
لو طاح المطر و السحاب --------- و الا مت انا دخلت قبري
قالت لي جيب لي كتاب ---------- والا صافــي يجــي شوري

قبل الا يرقب العلام ----------- سرجت على خيار خيلي
لزرق عندي الا حمام ------------ امه صحراء و ابوه تلي
في ليلة قسحة ظلام ------------ و الرعود بروقها يشالي
شضفت وخفت من الملام -----------العشرة عندها وصولي
هديته لهـــــــا بلا كلام ----------- مطلي بمسوك و الغوالي
صافـــي ميلوع بالغرام ----------- صياغ التبر سوم غالي

 


 

Repost 0
Published by الملحون فن إنساني - dans الملحون الجزائري
commenter cet article
14 juin 2009 7 14 /06 /juin /2009 17:40

اسم الله و الصلاة و السلام على رسول الله
*********************************

قصيد عنقاوي مطروز في مرمة * الحرمل*
و تطريزة * المدلل*
على ميزان البورجيلة..

سيدي محمد




بالله و بالكتاب جيتك و اعطيت العاهــــــــــد سيدي محمد
سلكني من عذاب قبري يا صاحب الجـــــود
البادي باسمك فارح و ربي شاهــــــــد
بذكرك قلبي يبرا يوفى المقصـــــــــود
صلى الله عليك و السلام خير المجاهــــــد
أحسن ما يقال في الحياة ذكر المعبــــــود

بالذكر تنجا من السفاهـــــــــة
و يزول عنك الغيـــــــــــار
صلي و سلم على طـــــــــه
شفيع الخلق من الجمــــــــار
النفس زاغت في هواهــــــــا
راحت من الخير للغيـــــــــار

سبابها كان في الموسوس و العبد الجاحــــد سيدي محمد
جزاه النار من تعدى خط الحــــــــــــدود
أنا الضعيف كيف تعمل في القبر البـــــــــارد
من غيرك شكون بيا عمري محــــــــــدود
*******

يا مبشر غيث حالـــــــــي
قصدتك يا صاحب الحمــــــى
الحزن ظهر في أحوالـــــــي
أرفعت راسي للسمـــــــــا
يا رب خفف من أهوالـــــــي
أسقيني من بعد الظمـــــــا

خفف عني في أوزاري لا غنى نشاهـــــــد سيدي محمد
بن عبد الله يروف بيا حسن المقـــــود
دار الدنيا كي تباهي توريك مقاصـــــد
امتبعها يصير غري يمشي ممـــــدود
*******

يرشدني نحو الطريــــــــق
منلا يفنى و لا يــــــــزول
للخير نمشي بالسبيـــــق
نكثر لأعمال لا القــــــــول
نكثر الذكر بالوثيـــــــــق
انفوز بالرضا و القبـــــــول

أجعل الذكر في فمي ماشي و قاعــــــــــد سيدي محمد
مول البرهان و الشفاعة الأصل المنشـــود
أسمك ساكن في حلقي غير بيك نشـــــد
لا غيرك يشفع في الخلق اليوم المشهـــود
*******


في صلاة الرسول جبحــــي
الخير و الهنا باســـــــط
شعاعك في شروق صبحـــي
يمحي ذنوب الغالـــــــط
في الصلاة وجدت ربحـــــي
سلاك المذنب و الفـــــارط

يا ماذا من قلب أسود ما ذكر الواحــــــــد سيدي محمد
تايه في دار الدنيا عايش مطــــرود
دبروا عليه ما بغى يستقام و لا يسترشد
و لا دار بالسكوت حكمة بغير مجهـود
********

يا نبينا في يوم القيامــــة
ادرك الخايفين تربـــــح
الناس تصرخ بيك ثمــــة
بالصلاة و السلام تمـــدح
سكان الأرض و السمـــا
واقفة و الميزان يرجـــح

يا له من يوم قاسي و الناس تتنهــــــــد سيدي محمد
و النافق في بحر الحوم وثقه مشــدود
الأحمدية يسميها بن عمـــــر داود
صلى الله عليك الحق الرب المعبـــود
******
أغفر لأمي و أبــــــــــــي
بجاه الأنبيا جملــــــــــــة
كل الحاضرين من أحبابي
و الشكر و الحمد للمولى
منعنا من نار لهبـــــــــــي
و من حضر هذا العولـــــة

أبني لي عندك ملجا في جوار الأحمـــــد سيدي محمد
نجاور صاحب الغمامة مقامه مرفــــود
بساتن خضرا نتمتع و ربي وــــــد
نحيا في قبري و انقوم ما أكلانـــي دود
بالله و بالكتاب جيتك و اعطيت العاهــــــد سيدي محمد
سلكني من عذاب قبري يا صاحب الجود.

 

Repost 0
Published by الملحون فن إنساني - dans الملحون الجزائري
commenter cet article
14 juin 2009 7 14 /06 /juin /2009 17:31

قصيدة الزغلول لشاعر مصطفى تومي كتبها سنة 1970 ,


القسم :1


زغلول لطيف يا عريف * نحكي لك و افهم * في سن الورد و الزهر باهي الأوصاف
مغرور بريشه الظريف * ماجي متخاصم * سل سيفه قال لي عندي خلاف
أوقف إذا أنت شريف * من أهل الخاتم * وري لي وين وصلاتك قوة الأكتاف
جاوبت أنا وقلت كيف * ماجي تتكلم * بكلام الغيظ واش هذا الغضبة و زعاف
ما هيشي جابها النيف * كي جيت محزم * هذي غيرة مرزمة و حسودي بزاف
ضنيتك صاحبي حليف * بي تتزعم * و ترن هقيت لي مطامر تدي للكاف
حتى و إذا أنت سخيف * من حقك تحشم * تعرفني قاطع البحور جايل الأرياف
عساك أنت اللي قصيف * للدنيا قادم * مثلك ما عاش ما زهى أش اللي شاف
اللي زغلول ما ينيف * ورشان معلم * قادر يرحيه في حروف ألها لام و كاف
مرقوم الريش يا رهيف * أرجع لا تندم * عندك منقار ما يحارب و جناح ضعاف
أترك الحديث العنيف * ما هوش موالم * أترك عليك لغة الغتبة و التشناف
يا ذا الزغلول يا نحيف * أرجع للمرسم * و اللي بعتوك قول لهم ما همش ظراف

سبحان الله يا لطيف * أنت اللي تعلم * كاين شي ناس من استحاهم يقولوا خاف
حاسبين كل شي خطيف * غير أجي و زدم * و اللي يبقى مع التوال يقولوا زحاف


القسم:2

كاين اللي يجي بسيف * يبدأ يتزعم * و يقول أنا غير أنا ما كان خلاف
خصوص إذا أنت سعيف * تسكت و تسلم * ترجع في حينها حلاسة و إلا نشاف
كاين اللي يجي تقيف * يعرف يتكلم * بالكتوب و الرسول و السادات الأشراف
يخدعك غير بالحليف * يقسم و يعظم * و السبحة راه من وراها عامل زرناف
كاين اللي يجي لهيف * بنيابه يهضم * ما رواته ميات صحفة و ألف غراف
يبغي كرسي من الصديف * و كنوز العالم * اللويز و الماس و الفضاضي من كل أصناف
كاين اللي يجيك ضيف * بالقش مرزم * في يوم البرد و الشتا و الريح الزفزاف
فاتت الأمطار و الخريف * ما زال مرسم * يرجع هو مول دارك و أنت جحراف
كاين اللي يجيك عفيف * ما زاله يحلم * ذقنه ما زال ما عرف موس الحفاف
يرجع ضربان لا تصيف * زقطي متشلغم * باعك و شراك في دقيقة عند الحراف

سبحان الله يا لطيف * أنت اللي تعلم * كاين شي ناس من استحاهم يقولوا خاف
حاسبين كل شي خطيف * غير أجي و زدم * و اللي يبقى مع التوال يقولوا زحاف

القسم:3


لحمام إذا نسى الولفة * من بعد الحب و الشغاف
خلاني في الأحزان و جفى * من دون دواس لا خلاف
هذا تحقيق به شوفة * شكيت داروا له الثقاف
الباز إذا غاب صدفة * يهجر و يروح للتلاف
خلاها خالية الغرفة * من ذاك اليوم ما أنشاف
ضنيته صاحبي و يشفا * و ترن ثعبان في الاجواف
عيب عليكم عار كشفة * يا أهل بلادي يا سخاف
درتوها مرتبة و حرفة * نكرتوا الخير و الصناف
سومتكم ما سوات علفة * في سوق السبت و الجياف
ما هي صحبة و لا معرفة * ما هي نسبة و لا حلاف
كيفاش القلب عاد يصفى * كي قطعتوه بالاطراف
من يتبعكم راح في الفا * و الرا المسبقة بقاف
يا ضيف الله جوز تدفى * رد سلامي لا تخاف
ياك جينا نايضين شرفا * و الله ما نخيبوا الضياف
اجلس هنا بغير كلفة * انزع عليك ذا اللحاف

سبحان الله يا لطيف * أنت اللي تعلم * كاين شي ناس من استحاهم يقولوا خاف
حاسبين كل شي خطيف * غير أجي و زدم * و اللي يبقى مع التوال يقولوا زحاف

القسم:4


يحسبوا الشيخ ما يفيد * عدوه يخرف * ما بين الصبح و العشية و الناس تشوف
يحسبوا الشيخ ما يفيد * عدوه يهترف * قالوا سيفه رشى حفى

و الشيخ أ سامع القصيد * ما زاله يهدف * سيفه براق فالثنية ديما معروف
يحسبوا الشيخ ما يفيد * كالثور الشارف * ارحاوا الموس في الخقا

و الشيخ أ سامع القصيد * ما هوش مكتف * ما هوش غنيمة الضحية ما هوش خروف
يحسبوا الشيخ ما يزيد * شملاله يوقف * كيف ما عملوا ما كفى

و الشيخ أ سامع القصيد * يسكت و يساعف * راهي ما خفات له خفية كل شي مخلوف
ماني محساد لا جحيد * عمري ما نسخف * نمشي و نعيش بالصفا

سبحان الله يا لطيف * أنت اللي تعلم * كاين شي ناس من استحاهم يقولوا خاف
حاسبين كل شي خطيف * غير أجي و زدم * و اللي يبقى مع التوال يقولوا زحاف

القسم:5


غنيت شحال من قصيد * منظوم مستف * و الناس جميع عارفة
فني ما هوش مالمسيد * مانيش مثقف * قراني الجوع و الحفا
خبزي مصنوع من سميد * ماهوش مسلف * داري ماهيش تالفة
يشهد القريب و البعيد * ما نيش موالف * نهدر و نقول في القفا
عظمي ماهوش للكديد * مانيش محشلف * أرضي ماهيش ناشفة
الصيد يموت ياك صيد * و لو كي يشرف * منه الذياب خايفة
اللي مقيود ما يقيد * يشد المقذف * في وسط رياح عاصفة
مول المنظوم و القصيد * ما هوش مطرف * من أهل الصدق و الوفا
ولد باب جديد بالوكيد * ببير جبح نحلف * التومي قال مصطفى
و اللي غناها عميد * فيها يتصرف * شيخ العنقا اذا كفى
عام السبعين لا تزيد * من بعد الالف * و البسع ميا مردفة
الجزاير عهدها جديد * سنجاق يرفرف * تميت و قلت بالشفا

سبحان الله يا لطيف * أنت اللي تعلم * كاين شي ناس من استحاهم يقولوا خاف
حاسبين كل شي خطيف * غير أجي و زدم * و اللي يبقى مع التوال يقولوا زحاف

 

Repost 0
Published by الملحون فن إنساني - dans الملحون الجزائري
commenter cet article
14 juin 2009 7 14 /06 /juin /2009 17:16

السفينة والريح 

 

 

نموذج من الشعر الشعبي الجزائري

المطرز في مرمة *-- السفينة -*

حربي
كالسيف المكبوب
صفته و حاله غريب
ساكن جلوف منالتربة
يتمرغ في صهيد العجايب
يرحم اللي قصدنا جاء و جاب
نوريهم واشمخزنين من العجب
و اللي نكرنا لينا واشجابـــــــــــــه.
*****
دربي
سهيل مصحوب
بالجود و الكرم والطيب
ما تشوف معانا عقبـــــــــة
باسطين فراشات نرحبه بالحبايب
قاصدناعمره ما نوريه العــــــــــذاب
وطني معروف عنده ما كســــــــــــــب
طلبةقاريينبالكتوب تأدبـــــــــــــــــــوا.
*****
خبي
وجع القلوب
مايعرفها حتى الطبيب
داخلين صفوف تعز الغلبـــــة
و ضاربين بالسوط عقبالركايب
من تسوله نفسه يسف الـــــــتراب
هذي خرجة و منها شوف واقلــب
حتى يجي نهار نردموه في ترابـــــه.
*****
لبي
صوتالمحبوب
شبعه سلام و ترحيب
لا غنا المهموم من العتبة
يبرا لسانه باللغطصار هـــــارب
انكشفت خصايله سود الغـــــــراب
رايح و ماجي ياكل كياللهــــــب
ما ثنا فيها جاره و لانسيبـــــــــــه.
*****
شيبي
رافقني في الخطوب
منحني صفةالتجريب
حتى صار حالي في مرتبة
و اصبحت من صهد الفراق ذايب
نسقي بالدموعصفح الكتــــــــــاب
و انقول يستهل من دخل اللعـــــــب
بدون ما يقرا للزماناحسابــــــــــــه.
*****

لهبي
شعيل و انجوب
راكب شلوي شهل خصيب
فيطراف المدينة بالمحان مزربــة
فرايس ترسم فيها من العجايـــــــــــب
فوامتنعق و امغمضت الأهــــــــــــــداب
تبلع جبال و ترمي شرارالشـــــــــــــب
تحير منين ذا العجبيجيبـــــــــــــــــــــــه.
*****
قلبي
للحق مطروب
ما اهزه النواح والنحيب
صابرللمحاين عليا عاقبـــــــــــة
نتصرف بالحكام هجرتالسبــــايب
و تركت الخالية و وكارهــــــــــا راب
عايشة على صوت النهب والنـــــــدب
تسجيه الصبح العشيةتريبـــــــــــــــــه.
*****
حبي
المالك القلوب
سيدي محمدالنجيب
العباد لشفاعته ترجا و طالبــــــــة
محمد بن عمر مدونالغرايــــــــــب
داود صاحب الدوايا و القلم الــــــزراب
يعرفني من قصدنيناوي يطبــــــــــــــب
نطرز من القصيد منه الصبيانيشيبـــــــــه.
*****

ربي
يا موحدالقلوب
رد الأهله من هو غريب
و اكتب ليا زيارة الكعبــــــة
نرجع للوكارمنعم و تايـــــــــب
مكسي بالنور و النوار ليس شهب
شمايلي اتوب و يميني فيالكتــــاب
كل حد في الحياة الله حسيبــــــــــــــه

محمد داود

 

Repost 0
Published by الملحون فن إنساني - dans الملحون الجزائري
commenter cet article
14 juin 2009 7 14 /06 /juin /2009 02:42
Repost 0
Published by الملحون فن إنساني - dans الملحون الجزائري
commenter cet article
14 juin 2009 7 14 /06 /juin /2009 02:40
Repost 0
Published by الملحون فن إنساني - dans الملحون الجزائري
commenter cet article
14 juin 2009 7 14 /06 /juin /2009 02:37
Repost 0
Published by الملحون فن إنساني - dans الملحون الجزائري
commenter cet article
14 juin 2009 7 14 /06 /juin /2009 02:36
Repost 0
Published by الملحون فن إنساني - dans الملحون الجزائري
commenter cet article
14 juin 2009 7 14 /06 /juin /2009 02:31
Repost 0
Published by الملحون فن إنساني - dans الملحون الجزائري
commenter cet article
14 juin 2009 7 14 /06 /juin /2009 02:30
Repost 0
Published by الملحون فن إنساني - dans الملحون الجزائري
commenter cet article

Présentation

  • : Le blog de الملحون فن إنساني
  • Le blog de الملحون فن إنساني
  • : Blog dédié aux Musiques traditionnelles du Maroc.
  • Contact

Profil

  • الملحون فن إنساني
  •  

أهلا بكم في موقع سعيد المفتاحي لنقدم لكم باقة عطرة مما جادت به 

خزائن الثرات المغربي الرائع وماحبلت به ذاكرتنا الجماعية الغنية علنا ن
  • أهلا بكم في موقع سعيد المفتاحي لنقدم لكم باقة عطرة مما جادت به خزائن الثرات المغربي الرائع وماحبلت به ذاكرتنا الجماعية الغنية علنا ن

Recherche

Archives